Learnable: المهارة اللي أغلب المديرين بيعيّنوا عليها
أدرت أكتر من ١٥ بانل و٢٠ حلقة بودكاست مع ناس من مجالات بيزنس مختلفة.
وسألت سؤال واحد كتير: "تعيّن حد على أنهي مهارة واحدة؟"
الإجابة الأكتر تكرارًا كانت: Learnable.
يعني إيه Learnable؟
قعدت فترة طويلة أفكر يعني إيه تبقى Learnable.
ولقيت إن إنك تكون عايز تتعلم ده حاجة، بس الأهم إنك تعرف تتعلم إزاي.
هو فيه حد مش عايز يتعلم؟
أيوه، ولأسباب مختلفة:
- ثقة زيادة
- إنه شايف إن الحاجة دي مش مفيدة
- أو إنه شايف إنه يعرف طريقة أحسن، وهو في الحقيقة طريقته بقت قديمة
الوجع الحقيقي
الوجع الحقيقي مش في اللي مش عايز يتعلم.
الوجع في حد عايز يتعلم، بس لسه مش Learnable:
- مش عارف يتعلم الحاجة إزاي
- أو عايز يتعلم بس مش مستعد يدفع تمن التعلم
تمن التعلم إيه؟
ببساطة: إنك تكون متواضع، وتسيب الـ ego بتاعك على الباب.
والفضول؟
من أكتر الصفات اللي بتعمل فرق في الكاريير: الفضول.
الشخص اللي دايمًا بيسأل عشان يفهم، بيسأل وهو ماشي "ده بيحصل ليه؟ وبيحصل إزاي؟"، ده غالبًا أسرع واحد بيتعلم.
Learnable يا رب نبقى ✌️